العرب وعناقيد الغضب

أمجاد يا عرب أمجاد
في بلادنا ما عدنا أسياد
فضيحتنا بقت ((بجلاجل))
وعيشتنا سواد في سواد
****
يا عروبة بقت ألعوبة
وليلاتي تبات مغلوبة
وصورنا اللي كانت واضحة
دلوقتي بقت مقلوبة
****
يا عروبة بقت ((كوتوموتو))
ولا عاهل بنسمع صوته
نستنكر كتير وبنشجب
وأهالي الجنوب بيموتوا
****
يا أمة حزينة حزينة
حكامك سمك للزينة
والجامعة.. يا عيني عا الجامعة
آهي واقفة وشايفة وسامعة
والدمعة بتطرد دمعة
الجامعة وقورة رزينة
****
حكام العرب حكام
م المغرب لحد الشام
إتعاونوا مع ولاد ((سام))
وأنا صابر باقرقش صبري
وأنا باكل رغيفي السام
إتفاوض يا عربي وهرول
إتفاوض لا بيش ولا كام
****
يا أرض العروبة يا رخوة
لولادك ما عادت نخوة
قطعت التاريخ وحرقته
وبكيب عاالعصب والإخوة
****
حكام العرب فتافيت
وشعوب العرب هلافيت
ليه تنزل (حدادي)) واشنطن
تلقطنا ولا الكتاكيت؟
****
إضربنا يا ((بل)) اضربنا
غربنا في وطن.. غربنا
واسقينا المرار على كيفك
دا شموخنا بيلحس سيفك
فرقنا إذا كان طيفك
فرقنا… إذا قربنا
****
بكتني كما بكتني
وإن قلت الرغيف سكتني
وإن قلت الوطن… وطن إيه
((يا كلنتون)) يا سيدي ((البيه)) ي
صار وطني عاليه في واطيه
هديت الوطن.. هديتني
****
بتصفوا حسباتكوا معايا؟
أنا عربي وتاريخي ورايا
وإن كان للتاريخ دورات
أنا لي السنين الجاية
****
متعشم تدير القبلة؟
ترهبنا بصاروخ أو ((نبلة))
دي الأرض اللي ولدت ((خالد))
لساها يا شاطر ((حبلى))

[شفيق سلوم] [الشاعر] [قالو عنه] [الجديد] [دواوين] [الوصية] [املالي كاس يا وطن] [آه يا ليل يا وطن] [صحف ومجلات] [إذاعة وتليفزيون] [ندوات] [مقالات] [اتصل بنا]